Click on a word to bring up parses, dictionary entries, and frequency statistics
101.
Scriptores temporum, qui potiente rerum Flavia
domo monimenta belli huiusce composuerunt, curam pacis
et amorem rei publicae, corruptas in adulationem causas,
tradidere: nobis super insitam levitatem et prodito Galba vilem mox fidem aemulatione etiam invidiaque, ne ab aliis apud
Vitellium anteirentur, pervertisse ipsum Vitellium videntur.
Caecina legiones adsecutus centurionum militumque animos
obstinatos pro Vitellio variis artibus subruebat: Basso eadem
molienti minor difficultas erat, lubrica ad mutandam fidem classe
ob memoriam recentis pro Othone militiae.
Historiae. Cornelius Tacitus. Charles Dennis Fisher. Clarendon Press. Oxford. 1911.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.