Click on a word to bring up parses, dictionary entries, and frequency statistics
29.
Acerrimum tertiae septimaeque legionum certamen;
et dux Antonius cum delectis auxiliaribus eodem incubuerat.
obstinatos inter se cum sustinere Vitelliani nequirent et superiacta tela testudine laberentur, ipsam postremo ballistam
in subeuntis propulere, quae ut ad praesens disiecit obruitque quos inciderat, ita pinnas ac summa valli ruina sua traxit; simul iuncta turris ictibus saxorum cessit, qua septimani
dum nituntur cuneis, tertianus securibus gladiisque portam
perfregit. primum inrupisse C. Volusium tertiae legionis militem inter omnis auctores constat. is in vallum egressus,
deturbatis qui restiterant, conspicuus manu ac voce capta
castra conclamavit; ceteri trepidis iam Vitellianis seque e
vallo praecipitantibus perrupere. completur caede quantum
inter castra murosque vacui fuit.
Historiae. Cornelius Tacitus. Charles Dennis Fisher. Clarendon Press. Oxford. 1911.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.