Altera lux haud laeta viris emersit Olympo:
Argolicus morbis fatisque rapacibus Idmon
labitur extremi sibi tum non inscius aevi.
at memor Aesonides nimium iam vera locuti
5Phincos hinc alios rapto1 pavet Idmone luctus.
tunc2 comiti pia iusta tulit caelataque multa
arte Dolionii donat velamina regis,
hospes humum sedemque Lycus. flens arma revellit
Idmonis e celsa Mopsus rate; robora caedunt
10pars silvis portantque arae, pars auguris alba
fronde caput3 vittisque ligant, positumque feretro
congemuere; dies simul et suns admonet omnes.
Ecce inter lacrimas interque extrema virorum
munera, quem cursus penes imperiumque carinae,4
15Tiphyn agit violenta lues, cunctique pavore
attoniti fundunt maestas ad sidera5 voces:
'arquipotens adverte, precor, nunc denique Apollo;
hoc, pater, hoc nobis refove caput, ulla laboris
si nostri te cura movet, qui cardine summo
20vertitur atque omnis manibus nunc pendet ab unis.'
dicta dabant ventis nec debita fata movebant.
[p. 108]
qualem praecipiti gravidum iam sorte parentem
natorum flet parva manus trepidique precantur,
duret ut invalidis et adhuc genitoris egenis,
25haut aliter socii supremo in tempore6 Tiphyn
ante alios superesse volunt. mors frigida contra
urget, et ille recens oculis intervolat Idmon.
exanimum frustra Minyae clamore morantur
avellique negant; vix membra rigentia tandem
30imposuere rogo lacrimasque et munera flammis
vana ferunt; crescit donis feralis acervus.
ut vero amplexus fessi rupere supremos
et rapidae sonuere faces, tunc ipsa cremari
visa ratis medioque viros deponere ponto.
35non tulit Aesonides7 geminis flagrantia cernens
corpora cara rogis, sed pectore ductor ab imo
talia voce8 gemit: 'quid tantum infensa repente
numina? quas nostri poenas meruere labores?
bina (nefas) tuto9 pariter mihi funera surgunt
40litore. magna adeo comitum numerosaque pubes?
aut socios rapit atra dies aut ipse relinquo10
sontibus impulsus Furiis. ubi Tiphys?11 ubi Idmon
fata canens? ubi monstriferae par ille novercae?
te sine, Thespiade, nos ulla movebimus ultra
45aequora? nec summa speculantem puppe videbo
Pleiadumque globos et agentes noctibus Arctos?
cui Minyas caramque ratem, cui12 sidera tradis?
carpere securas quis iam iubet Aesona noctes?
hoc labor, hoc dulci totiens fraudata sopore
50lumina et admotis nimium mens anxia Colchis13
profuit? heu quantum Phasis, quantum Aea14 recessit.
[p. 109]
nunc quoque, si tenui superant15 in imagine curae,
adsis umbra, precor, venturi praescia16 caeli
rectoremque tuae moneas ratis.' haec ubi fatus,
55sola virum flammis vidit labentibus17 ossa.
'quod tamen externis18 unum solamen in oris
restat' ait, 'caras humus haec non dividat umbras
ossaque nec tumulo nec separe19 contegat urna,
sed simul, ut iunctis venistis in aequora fatis.'
60haud mora: reliquias socii defletaque miscent
nomina; tum vivo frondens e20 caespite tellus
aggeritur, cineremque Lyco conmmendat Iason.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 rapto M2, rapta V
2 Tun V
3 caput Bon.1 om. V, possis etiam comas (cf. Stat. Ach. I 289）
4 carinae M2, carina V
5 ad sidera M, asidera V
6 tempore V, funere C
7 Aesonides Bon.2, aesonidus V, aesonius MT, codd. Bon. et Burmanni | fraglantia V
8 uoce M, uoces V
9 tuto Sabellicus, toto VC | surgunt M2T, surgent V
10 relinquor CT
11 funis subit iphys V
12 Cui M, Cy V
13 admotis — Colchis Gronovius, cf. IV 544 sq., adtonitis — colchis V, adtonitis — curis Balbus
14 Aea cod. regius, aeta VC
15 superant M2, superat V
16 prescia Bon.1, praesagia V
17 lambentibus C
18 externis MCT, extermis V, extremis Pius
19 se pare M, sapere V
20 frondens e Heinsius, frondes et V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.