At trepidam in thalamis et iam sua facta paventem
Colchida circa omnes pariter furiaeque minaeque
patris habent; nec caerulei timor aequoris ultra,
nec miserae terra ulla procul; quascumque per undas
5ferre fugam, quamcumque cupit iam scandere puppem
ultima virgineis tunc flens dedit oscula vittis,
quosque fugit complexa toros crinemque genasque
ante †peranti†1 carpsit vestigia somni,
atque haec impresso gemuit miseranda cubili:
10'o mihi si profugae genitor nunc ille2 supremos
amplexus, Aeeta, dares fletusque videres
ecce meos. ne crede, pater, non carior ille est,
quem sequimur; tumidis utinam simul obruar undis.
tu, precor, haec longa placidus mox sceptra senecta
15tuta geras, meliorque tibi sit cetera proles.'
dixit et Haemonio numquam spernenda marito
condita letiferis promit3 medicamina cistis,
virgineosque sinus ipsumque monile venenis
implicat ac saevum super omnibus addidit ensem.
20inde velut torto Furiarum erecta4 flagello
[p. 183]
prosilit, attonito qualis pede prosilit Ino
in freta nec parvi meminit conterrita nati,
quem tenet; extremum coniunx ferit inritus Isthmon.5
Iam prior in lucos curis6 urgentibus heros
25venerat et nemoris sacra se nocte tegebat,
tum quoque siderea clarus procul ora iuventa.
qualis adhuc sparsis comitum per lustra catervis
Latmius aestiva residet venator in umbra,
dignus amore deae, velatis cornibus et iam
30Luna venit: roseo talis per nubila ductor
implet honore nemus talemque exspectat amantem.
ecce autem pavidae virgo de more columbae,
quae super ingenti circumdata praepetis umbra
in quemcumque tremens hominem cadit, haut secus illa
35acta7 timore gravi mediam se misit; at ille
excepit blandoque prior sic ore locutus:
'o decus in nostros magnum ventura penates
solaque8 tantarum virgo haut indigna viarum
causa reperta duci, mihi iam9 non ulla requiro
40vellera, teque meae satis10 est quaesisse carinae.
verum age et hoc etiam, quando potes, adice tantis
muneribus11 meritisque tuis; namque aurea iussi
terga referre sumus; socios ea gloria tangit.'
sic ait et primis supplex dedit oscula palmis.
45Contra virgo novis iterum singultibus orsa est:
'linquo domos patrias te propter opesque meorum;
nec iam nunc regina loquor sceptrisque relictis
vota sequor: serva hanc profugae, prior ipse dedisti
quam (scis nempe) fidem. di nostris vocibus adsunt,
50sidera et haec te meque vident. tecum aequora, tecum
experiar quascumque vias, modo nequis abactam
[p. 184]
huc referat me forte dies oculisque12 parentis
ingerar; hoc superos,13 hoc te quoque deprecor, hospes.'
Haec ait atque furens rapido per devia passu
55tollitur. ille haeret comes et miseratur euntem,14
cum subito ingentem media inter nubila flammam
conspicit et saeva vibrantes luce tenebras.
'quis rubor iste poli? quod tam lugubre refulsit
sidus?' ait. reddit trepido cui talia virgo:
60ipsius en oculos et lumina torva draconis
aspicis; ille suis haec vibrat fulgura cristis:
me patiens15 contra solam videt ac vocat ultro,
ceu solet, et blanda poscit me pabula lingua.
dic age nunc, utrum vigilanti hostemque videnti
65exuvias auferre velis, an lumina somno
mergimus16 et domitum potius tibi tradimus anguem?'
ille silet: tantus17 subiit tum virginis horror.
This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
1 panti
needschecking carsit V, per antiqui carpsit M, vulgo, superstantis c. v. Somni Leo
2 ille V, mille Heinsius, ipse Schenkl
3 promit Turnebus, prodit V, profert C | cistis M, cistris V
4 erecta T Bon.1, eiecta VC
5 Isthmon C, Pius, sihmo V
6 curiis M1, curiit V
7 Icta C
8 Solaque M2, Sola qui V
9 duci, mihi iam Sudhaus, mihi iam V, mihi, iam nunc C, mihi, mihi iam Leo, mihi, iam iam vulgo | non nulla M2 ut vid., non nulla V
10 satis M, statis V
11 Muneribus M, Mumeneribus V
12 oculisque M, oculis V
13 superos M, superas V
14 miseratur euntem M, miserat urentem V
15 me patiens Sudhaus, cf. Aen. VII 490, Suet. vit. Caes. 61, Meque pauens V, nec paveas Leo ac uocat C, aduocat V | ultro M, ultra V
16 Mergimus cod. regius, T1, Bon.l, Mergitur V
17 tantus M2, tantos V | tum cod.regius. T1, ut V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.