This text is part of:
Search the Perseus Catalog for:
Click on a word to bring up parses, dictionary entries, and frequency statistics
[51]
At vero P. Decius ille Q. F., qui primus e Deciis consul fuit, cum esset tribunus militum
M. Valerio A. Cornelio consulibus a Samnitibusque
premeretur noster exercitus, cum pericula proeliorum
iniret audacius monereturque, ut cautior esset, dixit,
quod extat in annalibus, se sibi in somnis visum esse,
cum in mediis hostibus versaretur, occidere cum maxuma gloria. Et tum quidem incolumis exercitum
obsidione liberavit; post triennium autem, cum consul
esset, devovit se et in aciem Latinorum inrupit armatus. Quo eius facto superati sunt et deleti Latini.
Cuius mors ita gloriosa fuit, ut eandem concupisceret
filius.
De Divinatione. M. Tullius Cicero. C. F. W. Müller. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.