21.
[44]
fuit in
his omnibus1 etsi non iusta,—nulla enim potest cuiquam male
de re publica merendi iusta esse causa,—gravis tamen et cum
aliquo animi2 virilis dolore coniuncta: P. Clodius a crocota,
a mitra, a muliebribus soleis purpureisque fasceolis3, a strophio,
a psalterio, a flagitio, a stupro est factus repente popularis.
Nisi eum mulieres exornatum ita deprendissent4, nisi ex eo
loco quo eum adire fas non fuerat ancillarum beneficio
emissus esset, populari homine populus Romanus, res publica
cive tali careret. hanc ob amentiam in discordiis nostris,
de quibus ipsis his prodigiis recentibus a dis immortalibus
admonemur, arreptus est unus ex patriciis cui tribuno plebis
fieri non liceret.
[45]
quod anno ante frater Metellus et concors
etiam tum senatus, senatus5 principe Cn. Pompeio sententiam
dicente, excluserat acerrimeque una voce ac mente restiterat,
id post discidium optimatium, de quo ipso nunc monemur,
ita perturbatum itaque permutatum est ut, quod frater consul
ne fieret obstiterat, quod adfinis et sodalis clarissimus
vir, qui illum reum non laudarat, excluserat, id is consul
efficeret in discordiis principum qui illi unus inimicissimus
esse debuerat, eo6 fecisse auctore se diceret cuius auctoritatis
neminem posset paenitere. iniecta fax est foeda ac luctuosa
rei publicae; petita est auctoritas vestra, gravitas amplissimorum
ordinum, consensio bonorum omnium, totus denique
civitatis status. haec enim certe petebantur, cum in me
cognitorem harum omnium rerum illa flamma illorum temporum
coniciebatur. excepi et pro patria solus exarsi, sic
tamen ut vos isdem ignibus circumsaepti me primum ictum
pro vobis et fumantem videretis7.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 omnibus cansa GEMbk
2 animi Camerarius: animi et codd.
3 fasceolis ut Bait. ita Hb2k: faceolis PB: fasciis GE
4 deprend. B: depraend. P: deprehend. k ed. R.
5 senatus, senatus codd. Lamb.: senatu, senatus PBw: senatus (semel) rell. (Prov. Cons. §1 si princeps eam sent. dicerem)
6 eo codd. praeter M (et eo)
7 videritis P1
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.