Click on a word to bring up parses, dictionary entries, and frequency statistics
“
[67]
quid enim
mereas, ut Epicureus esse desinas? "Nihil equidem"
inquis "ut rationem vitae beatae veritatemque deseram".
Ista igitur est veritas? nam de vita beata nihil repugno,
quam tu ne in deo quidem esse censes nisi plane otio
langueat. sed ubi est veritas? in mundis credo innumerabilibus omnibus minimis temporum punctis aliis nascentibus aliis cadentibus; an in individuis corpusculis tam praeclara opera nulla moderante natura
nulla ratione fingentibus? Sed oblitus liberalitatis meae,
qua tecum paulo ante uti coeperam, plura complector.
Concedam igitur ex individuis constare omnia; quid ad
rem?
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.