This text is part of:
Click on a word to bring up parses, dictionary entries, and frequency statistics
62. Romae aut circa urbem multa ea hieme prodigia facta aut, quod evenire solet motis semel in
religionem1 animis, multa nuntiata et temere credita sunt;
[2]
in quis ingenuum infantem semestrem in
foro olitorio triumphum clamasse,
[3?]
et in foro2 boario bovem in tertiam contignationem sua sponte
escendisse atque inde tumultu habitatorum territum
sese deiecisse,
[4?]
et navium speciem de caelo adfulsisse,
et aedem Spei, quae est in foro olitorio, fulmine
ictam, et Lanuvi hostiam3 se commovisse et corvum in aedem Iunonis devolasse atque in ipso pulvinario consedisse,
[5?]
et in agro Amiternino multis locis hominum species procul candida veste visas nec
cum ullo congressas,4 et in Piceno lapidibus pluvisse, et Caere sortes extenuatas, et in Gallia lupum vigili gladium ex vagina raptum abstulisse.
[6]
ob cetera
prodigia libros adire decemviri iussi; quod autem
[p. 186]
lapidibus pluvisset in Piceno, novemdiale sacrum5 edictum; et subinde aliis procurandis prope tota civitas operata fuit.
[7]
iam primum omnium urbs lustrata est, hostiaeque maiores quibus editum est dis caesae,
[8?]
et donum ex auri pondo quadraginta Lanuvium Iunoni6 portatum est, et signum aeneum matronae iunoni in Aventino dedicaverunt, et lectisternium Caere, ubi sortes adtenuatae erant, imperatum, et supplicatio Fortunae in Algido;
[9]
Romae quoque et lectisternium Iuventati7 et supplicatio ad aedem Herculis nominatim, deinde universo populo circa omnia pulvinaria indicta, et Genio maiores hostiae caesae quinque,
[10?]
et C. Atilius Serranus praetor vota suscipere iussus, si in decem annos res publica eodem stetisset statu.
[11]
haec procurata votaque ex libris Sibyllinis magna ex parte levaverant religione animos.
1 religionem edd.: regionem P.
2 in foro ς: e (ex H. J. Mueller) foro Luterbacher: foro P.
3 hostiam P (Rossbach's note): hastam sabellicus.
4 species . . . visas nec cum ullo congressas ruperti: species . . . uisas nec cum ullo congressos ς: specie . . . uisos nec cum illis congressos P.
5 A.U.C. 536
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.