[26]
cognoscite nunc quae potestas xviris et quanta detur.
primum lege curiata xviros ornat. iam hoc inauditum et
plane novum, uti curiata lege magistratus detur qui nullis
comitiis ante sit datus. eam legem ab eo praetore populi
Romani qui sit primus factus ferri iubet. at quo modo?
Vt ei xviratum habeant quos plebs designaverit. oblitus
est nullos a plebe designari. et is orbem terrarum constringit
novis legibus qui, quod in secundo capite scriptum
est, non meminit in tertio? atque hic perspicuum est quid
iuris a maioribus acceperitis, quid ab hoc tribuno plebis
vobis relinquatur.
This text is part of:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.