[16]
Atticus
Ego uero ista audire cupio.
Marcus
Quid ait Quintus?
Quintus
Nulla de re magis.
Marcus
Et recte quidem; nam sic habetote,
nullo in genere disputandi potest magis patefieri, quid
sit homini a natura tributum, quantam uim rerum
optimarum mens humana contineat, cuius muneris
colendi efficiendique causa nati et in lucem editi
simus, quae sit coniunctio hominum, quae naturalis
societas inter ipsos. His enim explicatis, fons legum
et iuris inueniri potest.
Click on a word to bring up parses, dictionary entries, and frequency statistics