Click on a word to bring up parses, dictionary entries, and frequency statistics
59. in hunc modum maxime instructae acies,
par ferme utrimque numeris equitum ac levis
armaturae, concurrunt, a funditoribus iaculatoribusque qui praecesserant1 proelio orto.
[2]
primi omnium Thraces, haud secus quam2 diu claustris retentae ferae, ita concitati cum ingenti clamore in dextrum cornu, Italicos equites, incurrerunt ut3 usu
[3?]
belli et—ingenio impavida gens turbaretur . . . . hastas petere pedites .... nunc succidere crura [p. 474]
equis, nunc ilia suffodere.4
[4]
Perseus. in mediam5 invectus aciem, Graecos primo impetu avertit; quibus fusis cum gravis ab tergo instaret hostis, Thessalorum equitatus, qui a laevo6 cornu brevi spatio diiunctus in subsidiis fuerat extra concursum, primo spectator certaminis, deinde inclinata re maximo usui7 fuit.
[5]
cedentes enim sensim integris ordinibus, postquam se Eumenis auxiliis adiunxerunt, et cum eo tutum inter ordines suos receptum sociis fuga dissipatis dabant et, cum minus conferti hostes instarent, progredi etiam ausi multos fugientium obvios exceperunt.
[6]
nec regii, sparsi iam ipsi passim sequendo, cum ordinatis et certo incedentibus8 gradu manus conserere audebant.
[7]
cum victor equestri proelio rex parvo momento si adiuvisset debellatum esse clamaret,9 et opportune adhortanti supervenit phalanx quam sua sponte, ne audaci coepto deessent, Hippias et Leonnatus raptim adduxerant, postquam prospere pugnasse equitem acceperunt.
[8]
fluctuante rege10 inter spem metumque11 tantae rei conandae Cretensis Euander, [p. 476] quo ministro Delphis ad insidias Eumenis regis12 usus13 erat, postquam agmen peditum14 venientium sub signis vidit,
[9?]
ad regem accurrit et monere institit ne elatus felicitate summam rerum temere in non necessariam aleam daret;
[10]
si contentus bene re gesta quiesset eo die, vel pacis honestae condicionem habiturum vel plurimos belli socios qui fortunam sequerentur si bellare mallet. in hoc consilium pronior erat animus regis.
[11]
itaque collaudato Euandro signa referri peditumque agmen redire in castra iubet, equitibus receptui canere.15
1 praecesserant Madvig: praecesserunt V.
2 haud secus quam Fr.: ut secus quidem V.
3 ut Fr.: et V.
4 sic fere edd. legimus in v turbareturtr ec [su]b [pal]a [n] gishastaspeterepedites . . . [equor]umque i (sic) nuncsucciderecrurarumpisnunciliasuffodere (litterae inclusae incertae sunt). mentionem phalangis factam esse licet suspicari, sed phalanx nondum proelio intererat (vid. sect. 7, infra). Vocabulum rumpiis latere Giarratano vidit, sed gladio non rumpia opus est ad equorum crura succidenda. despero. (E. S.) at legere possumus: equorumque ii nunc succidere crura, rumpiis nunc illa suffodere. (E. H. Warmington.)
5 A.U.C. 583
6 qui a laeuo Fr.: qui a leo, ut vid. V.
7 maximo usui Fr.: maxum usui V.
8 incedentibus Fr.: indendentibus V.
9 clamaret add. Madvig: om. V.
10 fluctuante rege Fr.: fluctuanti regi V.
11 metumque Fr.: metumque ac V.
12 A.U.C. 583
13 usus Fr.: usus usus V.
14 peditum Perizonius: impeditum V.
15 canere Fr.: caneretre V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.