Click on a word to bring up parses, dictionary entries, and frequency statistics
[7]
nam exordium duci nonnunquam etiam
ab actore causae solet. quanquam enim pauciora
de se ipso dicit et parcius, plurimum tamen ad omnia
momenti est in hoc positum, si vir bonus creditur.
sic enim continget, ut non studium advocati videatur adferre sed paene testis fidem. Quare in primis
existimetur venisse ad agendum ductus officio vel
cognationis vel amicitiae maximeque, si fieri poterit,
reipublicae aut alicuius certe non mediocris exempli.
quod sine dubio multo magis ipsis litigatoribus
[p. 10]
faciendum est, ut ad agendum magna atque honesta
ratione aut etiam necessitate accessisse videantur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.