XXXVIII
Calliodorus habet censum—quis nescit?—equestrem,
Sexte, sed et fratrem Calliodorus habet.
'Quadringenta seca' qui dicit σῦκα μερίζει:
Uno credis equo posse sedere duos?
5Quid cum fratre tibi, quid cum Polluce molesto?
Non esset Pollux si tibi, Castor eras.
Unus cum sitis, duo, Calliodore, sedebis?
Surge: σολοικισμὸν, Calliodore, facis.
Aut imitare genus Ledae—cum fratre sedere
10Non potes—: alternis, Calliodore, sede.