This text is part of:
Click on a word to bring up parses, dictionary entries, and frequency statistics
44. “quocumque circumtuli oculos, plena
omnia video animorum ac roboris, veteranum peditem, generosissimarum gentium equites frenatos
infrenatosque,
[2?]
vos socios fidelissimos fortissimosque,
vos, Carthaginienses, cum pro patria1 tum ob iram iustissimam pugnaturos.
[3]
inferimus bellum infestisque signis descendimus in Italiam tanto audacius
[p. 130]
fortiusque pugnaturi quam hostis quanto maior spes,2 maior est animus inferentis vim quam arcentis.
[4]
accendit praeterea et stimulat animos dolor iniuria
indignitas. ad supplicium depoposcerunt me ducem
primum, deinde vos omnes qui Saguntum oppugnassetis; deditos ultimis cruciatibus adfecturi fuerunt.
[5]
crudelissima ac superbissima gens sua omnia suique
arbitrii facit. cum quibus bellum, cum3 quibus pacem habeamus, se modum imponere aequum censet. circumscribit includitque nos terminis montium fluminumque quos non excedamus; neque eos quos statuit terminos observat.
[6]
' Ne transieris Hiberum!
ne quid rei tibi sit cum Saguntinis!' at liberum
est Saguntum.4 'Nusquam te vestigio moveris!'
[7]
parum est quod veterrimas provincias meas Siciliam ac Sardiniam ademisti?5 adimis etiam Hispanias? et inde si decessero,6 in Africam transcendes? transcendes dico?7 duos consules huius anni, unum in Africam, alterum in Hispaniam miserunt. nihil usquam8 nobis relictum est, nisi quod armis vindicarimus.
[8]
illis timidis et ignavis esse licet qui respectum habent, quos sua terra suus ager per tuta ac pacata itinera fugientes accipient: vobis necesse est fortibus viris esse et omnibus inter victoriam mortemve9 certa desperatione abruptis aut [p. 132] vincere aut, si Fortuna dubitabit, in proelio potius10 quam in fuga mortem oppetere.
[9]
si hoc bene fixum omnibus, si destinatum11 animo est, iterum dicam, vicistis; nullum contemptu mortis telum12 ad vincendum homini ab dis immortalibus acrius datum est.”
1 pro patria weissenbrn: patriam P: ob patriamς.
2 A.U.C. 536
4 at liberum est Saguntum krauss (chap. ii. §7): ad Hiberum est Saguntum P.
5 Sardiniam ademisti? heerwagen: Sardiniam P.
6 Et inde si decessero H. J. Mueller: et si inde cessero ς: inde cessero P.
7 Transcendes dico? Luchs: transcendisse autem dico P.
8 usquam edd.: umquam P.
9 mortemve wesenberg (Madvig): mortemque P.
10 A.U.C. 536
11 si destinatum animo heerwagen: destinatum in animo P.
12 contemptu mortis telum Stroth: contemptum P.
Livy. Boooks XXI-XXII With An English Translation. Cambridge. Cambridge, Mass., Harvard University Press; London, William Heinemann, Ltd. 1929: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.