Click on a word to bring up parses, dictionary entries, and frequency statistics
[28]
nihil est enim virtute amabilius, nihil
quod magis alliciat ad diligendum, quippe cum
propter virtutem et probitatem etiam eos, quos
numquam vidimus, quodam modo diligamus. quis
est qui C. Fabrici, M'. Curi non cum caritate aliqua
[p. 140]
benevola memoriam usurpet, quos numquam viderit?
quis autem est qui Tarquinium Superbum, qui Sp.
Cassium, Sp. Maelium non oderit? cum duobus
ducibus de imperio in Italia est decertatum, Pyrrho
et Hannibale; ab altero propter probitatem eius
non nimis alienos animos habemus; alterum propter
crudelitatem semper haec civitas oderit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.