Click on a word to bring up parses, dictionary entries, and frequency statistics
[50]
quid? si illud etiam addimus, quod recte addi potest,
nihil esse quod ad se rem ullam tam illiciat et tam
trahat quam ad amicitiam similitudo, concedetur
profecto verum esse, ut bonos boni diligant asciscantque sibi quasi propinquitate coniunctos atque
natura. nihil est enim appetentius similium sui nec
rapacius quam natura. quam ob rem hoc quidem,
Fanni et Scaevola, constet, ut opinor, bonis inter
bonos quasi necessariam benevolentiam, qui est
amicitiae fons a natura constitutus. sed eadem
bonitas etiam ad multitudinem pertinet. non enim
est inhumana virtus neque immunis neque superba,
quae etiam populos universos tueri eisque optime
[p. 162]
consulere soleat, quod non faceret profecto, si a
caritate volgi abhorreret.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.