Click on a word to bring up parses, dictionary entries, and frequency statistics
[63]
est igitur prudentis sustinere ut cursum, sic impetum benevolentiae, quo utamur, quasi equis temptatis, sic amicitia,
aliqua parte periclitatis moribus amicorum. quidam
saepe in parva pecunia perspiciuntur quam sint leves;
quidam autem, quos parva movere non potuit, cognoscuntur in magna. sin vero erunt aliqui reperti
qui pecuniam praeferre amicitiae sordidum existiment, ubi eos inveniemus, qui honores magistratus
imperia potestates opes amicitiae non anteponant,
ut, cum ex altera parte proposita haec sint, ex altera
ius amicitiae, non multo illa malint? imbecilla enim
est natura ad contemnendam potentiam, quam
etiam si neglecta amicitia consecuti sint, obscuratum
[p. 174]
iri arbitrantur, quia non sine magna causa sit neglecta
amicitia.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.