Click on a word to bring up parses, dictionary entries, and frequency statistics
[87]
serpit enim nescio quo modo per
omnium vitas amicitia nec ullam aetatis degendae
rationem patitur esse expertem sui.
quin etiam si quis asperitate ea est et immanitate
naturae, congressus ut hominum fugiat atque oderit,
qualem fuisse Athenis Timonem nescio quem accepimus, tamen is pati non possit, ut non anquirat
aliquem, apud quem evomat virus acerbitatis suae.
atque hoc maxime iudicaretur, si quid tale possit
contingere, ut aliquis nos deus ex hac hominum
frequentia tolleret et in solitudine uspiam collocaret
atque ibi suppeditans omnium rerum quas natura
desiderat, abundantiam et copiam, hominis omnino
aspiciendi potestatem eriperet—quis tam esset
ferreus qui eam vitam ferre posset cuique non auferret
fructum voluptatum omnium solitudo?
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.