Click on a word to bring up parses, dictionary entries, and frequency statistics
[18]
sed hoc primum sentio, nisi in bonis amicitiam
esse non posse; neque id ad vivum reseco, ut illi,
qui haec subtilius disserunt, fortasse vere, sed ad
communem utilitatem parum; negant enim quemquam esse virum bonum nisi sapientem. sit ita
sane: sed eam sapientiam interpretantur, quam
adhuc mortalis nemo est consecutus. nos autem
ea quae sunt in usu vitaque communi, non ea quae
finguntur aut optantur, spectare debemus. numquam ego dicam C. Fabricium, M'. Curium, Ti.
Coruncanium, quos sapientis nostri maiores iudicabant, ad istorum normam fuisse sapientis. qua re
[p. 128]
sibi habeant sapientiae nomen et invidiosum et
obscurum, concedant ut viri boni fuerint. ne id
quidem facient; negabunt id nisi sapienti posse
concedi.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.