22. ad Leonardum Montagnam insignem poetam
Nauta procellosum scindentem remige pontumConsortemque suae rusticus artis amat,
Martius assuescit duro cum milite miles,
Gratia magnanimo cum duce iuncta duci est.
5Pars ego Pierios sic inter parva ministros
Qua possum vates sedulitate colo,
Te tamen ante omnes, nam quo praestantior extas
Omnibus, hoc debes charior esse mihi.