28. in Urbicum blateronem
Plurima dum numeras priscorum nomina VatumCrederis ipse tibi volvere grande sophos.
Historiae alii referunt sermonibus aptas,
At tu Caecilios Pacuviosque vomis
5Ennius aut tumido resonat tibi Plautus in ore
Lucanus, Flaccus, Statius atque Maro,
Silius, Ausonius lepidique epigrammata Marci
Quicquid et Aonidum bibliotheca capit.
Scire cupis populus quid sentiat, Urbice, de te?
10Qui paucos vidit, nominat innumeros.
Nomina non satis est, sensus didicisse sed imos.
Dispeream si scis "Arma virumque cano".