Click on a word to bring up parses, dictionary entries, and frequency statistics
70.
Ea Germanico haud minus ira quam per metum
accepta. si limen obsideretur, si effundendus spiritus sub
oculis inimicorum foret, quid deinde miserrimae coniugi,
quid infantibus liberis eventurum? lenta videri veneficia:
festinare et urgere, ut provinciam, ut legiones solus habeat.
sed non usque eo defectum Germanicum, neque praemia
caedis apud interfectorem mansura. componit epistulas
quis amicitiam ei renuntiabat: addunt plerique iussum
provincia decedere. nec Piso moratus ultra navis solvit
moderabaturque cursui quo propius regrederetur si mors
Germanici Syriam aperuisset.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.