19.
[61]
ac vide quid differat inter meam opinionem1 ac
tuam2.
tu cum omnibus rebus inferior sis, hac una in3 re te
mihi anteferri putas oportere, quod quaestor illius fueris:
ego, si superior omnibus rebus4 esses, hanc unam ob causam
te accusatorem5 repudiari putarem oportere. sic enim a
maioribus nostris accepimus, praetorem quaestori suo
parentis loco esse oportere; nullam neque iustiorem neque
graviorem causam necessitudinis posse reperiri6 quam coniunctionem
sortis, quam provinciae, quam offici, quam
publici muneris societatem.
[62]
quam ob rem si iure
posses
eum7 accusare, tamen, cum is tibi parentis numero fuisset,
id pie facere non posses; cum vero neque iniuriam acceperis
et praetori tuo periculum crees, fatearis necesse est
te illi iniustum impiumque bellum inferre conari. etenim
ista quaestura ad eam rem valet, ut elaborandum tibi in
ratione reddenda sit quam ob rem qui quaestor eius fueris8
accuses, non ut ob eam ipsam causam postulandum sit ut
tibi potissimum accusatio detur. neque fere umquam
venit in contentionem de accusando qui quaestor fuisset,
quin repudiaretur.
[63]
itaque neque L. Philoni9 in C.
Servilium
nominis deferendi potestas est data, neque M. Aurelio
Scauro in L. Flaccum, neque Cn. Pompeio in T. Albucium;
quorum nemo propter indignitatem repudiatus est, sed ne
libido violandae necessitudinis auctoritate iudicum comprobaretur.
atque ille Cn. Pompeius ita cum C. Iulio
contendit, ut tu mecum; quaestor enim Albuci fuerat, ut
tu Verris; Iulius hoc secum auctoritatis ad accusandum
adferebat quod, ut hoc tempore nos ab Siculis, sic tum ille
ab Sardis rogatus ad causam accesserat.
semper haec causa plurimum valuit, semper haec ratio
accusandi fuit honestissima, pro sociis, pro salute provinciae,
pro exterarum nationum commodis inimicitias suscipere,
ad periculum accedere, operam, studium, laborem
interponere.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 criminationem L
2 et tuam G1
3 in secl. Hotom., om. Nohl
4 omnibus rebus DG2L: ceteris rebus prδ: omnibus ceteris rebus G1
5 accusatorem secl. Kays.
7 iure eum posses pδ: eum iure posse r
8 qui quaestor eius fueris Dψprb: cui quaestor fueris pler. Lgg., Rau, fort. recte: cum cui quaestor fueris, s. eum cui qu. f. Lg. 5 et Matritensis Asconii
9 Philoni b, ed. Rom: Pithoni DKZ: pythoni pq: pyloni r
M. Tullius Cicero. M. Tvlli Ciceronis Orationes: Divinatio in Q. Caecilivm. In C. Verrem Recognovit brevique adnotatione critica instruxit Gvlielmvs Peterson Rector Vniversitatis MacGillianae. William Peterson. Oxford. e Typographeo Clarendoniano. 1917. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.