2.
[4]
tuli graviter et acerbe, iudices, in eum me locum adduci
ut aut eos homines spes falleret qui opem a me atque
auxilium petissent, aut ego, qui me ad defendendos homines
ab ineunte adulescentia dedissem, tempore atque officio
coactus ad accusandum traducerer. dicebam habere eos1
actorem Q. Caecilium, qui praesertim quaestor in eadem2
provincia post me quaestorem3 fuisset. quo4 ego adiumento
sperabam hanc a me posse molestiam demoveri5, id6 mihi
erat adversarium maxime; nam illi multo mihi hoc facilius
remisissent si istum non nossent, aut si iste apud eos
quaestor non fuisset.
[5]
adductus7 sum, iudices, officio, fide,
misericordia, multorum bonorum exemplo, vetere8 consuetudine
institutoque maiorum, ut onus huius laboris atque
offici non ex meo, sed ex meorum necessariorum tempore
mihi suscipiendum putarem.
quo in negotio tamen illa me res9, iudices, consolatur,
quod haec quae videtur esse accusatio mea non potius
accusatio quam defensio est existimanda. defendo enim
multos mortalis, multas civitates, provinciam Siciliam totam;
quam ob rem, quia10 mihi unus est accusandus, prope modum
manere in instituto meo videor et11 non omnino a defendendis
hominibus sublevandisque discedere.
[6]
quodsi hanc causam
tam idoneam, tam inlustrem, tam gravem non haberem,—
si aut hoc a me Siculi non petissent aut mihi cum Siculis
causa tantae necessitudinis non intercederet, et hoc quod
facio me rei publicae causa facere profiterer, ut homo singulari
cupiditate, audacia, scelere praeditus, cuius furta
atque flagitia non in Sicilia solum, sed in Achaia, Asia,
Cilicia, Pamphylia, Romae denique ante oculos omnium
maxima turpissimaque nossemus, me agente in iudicium
vocaretur,—quis tandem12 esset qui meum factum aut consilium
posset reprehendere?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 habere eos prδ Quint. ix. 2. 59: eos habere Dψ
2 eadem prG1: sua DL: illa Hirschfelder: Sicilia Mueller
3 post me quaestorem πδ: om. Dψ. Haec verba requirere videtur vocabulum illud praesertim: J. Ph. xxx, 173.
4 Quo codd.: sed quo coni. Ruhnkon, fort, recte
5 demoveri prδ: dimov. Dψq (amoveri L）
7 Ita adductus Pluygers
9 illa me res D al. π: illa res me G3
10 quia Dψ (cum L): si prδ (etiamsi?)
11 videor et prG1: video me et Dψ
12 tamen Hotoman
M. Tullius Cicero. M. Tvlli Ciceronis Orationes: Divinatio in Q. Caecilivm. In C. Verrem Recognovit brevique adnotatione critica instruxit Gvlielmvs Peterson Rector Vniversitatis MacGillianae. William Peterson. Oxford. e Typographeo Clarendoniano. 1917. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.