[24]
et ait idem, ut aliquis metus adiunctus sit ad
gratiam, certos esse in consilio quibus ostendi tabellas velit;
id esse perfacile; non enim singulos ferre sententias1, sed
universos constituere; ceratam uni cuique tabellam dari
cera legitima, non illa infami ac nefaria. atque is non tam
propter Verrem laborat quam quod eum minime res tota
delectat; videt enim, si a pueris nobilibus, quos adhuc
elusit, si a quadruplatoribus, quos non sine causa contempsit
semper ac pro nihilo putavit, accusandi voluntas ad
viros fortis spectatosque homines translata sit, sese in
iudiciis diutius dominari non posse.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 sententiam LK Asc.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.