Click on a word to bring up parses, dictionary entries, and frequency statistics
[58]
Qui putant in quinque tribui partes oportere, aiunt
primum convenire exponere summam argumentatio-
nis, ad hunc modum: ‘melius accurantur, quae con-
silio geruntur, quam quae sine consilio administran-
tur.’ hanc primam partem numerant; eam deinceps
rationibus variis et quam copiosissimis verbis adpro-
bari putant oportere, hoc modo: ‘domus ea, quae ra-
tione regitur, omnibus est instructior rebus et appara-
tior, quam ea, quae temere et nullo consilio admini-
stratur. exercitus is, cui praepositus est sapiens et calli-
dus imperator, omnibus partibus commodius regitur,
quam is, qui stultitia et temeritate alicuius admini-
stratur. eadem navigii ratio est. nam navis optime cur-
sum conficit ea, quae scientissimo gubernatore utitur.’
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.