Click on a word to bring up parses, dictionary entries, and frequency statistics
[79]
Omnis argumentatio reprehenditur, si aut ex iis,
quae sumpta sunt, non conceditur aliquid unum plu-
rave aut his concessis conplexio ex his confici ne-
gatur, aut si genus ipsum argumentationis vitiosum
ostenditur, aut si contra firmam argumentationem alia
aeque firma aut firmior ponitur.
Ex iis, quae sumuntur, aliquid non conceditur, cum
aut id, quod credibile dicunt, negatur esse eiusmodi,
aut, quod conparabile putant, dissimile ostenditur, aut
iudicatum aliam in partem traducitur, aut omnino
iudicium inprobatur, aut, quod signum esse adversarii
dixerunt, id eiusmodi negatur esse, aut si conprehensio
aut una aut ex utraque parte reprehenditur, aut enume-
ratio falsa ostenditur, aut simplex conclusio falsi ali-
quid continere demonstratur. nam omne, quod su-
mitur ad argumentandum sive pro probabili sive pro
necessario, necesse est sumatur ex his locis, ut ante
ostendimus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.