Click on a word to bring up parses, dictionary entries, and frequency statistics
[78]
Reprehensio est, per quam argumentando adver-
sariorum confirmatio diluitur aut infirmatur aut ele-
vatur. haec fonte inventionis eodem utetur, quo uti-
tur confirmatio, propterea quod, quibus ex locis ali-
qua res confirmari potest, isdem potest ex locis in-
firmari. nihil enim considerandum est in his omnibus
inventionibus nisi id, quod personis aut negotiis
adtributum est. quare inventionem et argumentationum
expolitionem ex illis, quae ante praecepta sunt, hanc
quoque in partem orationis transferri oportebit. verum-
tamen, ut quaedam praeceptio detur huius quoque
partis, exponemus modos reprehensionis; quos qui ob-
servabunt, facilius ea, quae contra dicentur, diluere aut
infirmare poterunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.