This text is part of:
Click on a word to bring up parses, dictionary entries, and frequency statistics
28.
Igitur domus principis inhorruerat, maximeque quos
penes potentia et, si res verterentur, formido, non iam
secretis conloquiis, sed aperte fremere, dum histrio cubiculum principis insultaverit, dedecus quidem inlatum, sed
excidium procul afuisse: nunc iuvenem nobilem dignitate
formae, vi mentis ac propinquo consulatu maiorem ad spem
accingi; nec enim occultum quid post tale matrimonium
superesset. subibat sine dubio metus reputantis hebetem
Claudium et uxori devinctum multasque mortes iussu
Messalinae patratas: rursus ipsa facilitas imperatoris fiduciam
dabat, si atrocitate criminis praevaluissent, posse opprimi
damnatam ante quam ream; sed in eo discrimen verti, si
defensio audiretur, utque clausae aures etiam confitenti
forent.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.