Click on a word to bring up parses, dictionary entries, and frequency statistics
26.
is iuvenis,
ut iam ex eo genere quaestus pecunia a patre relicta
animos ad spem liberalioris fortunae fecit togaque et
forum placuere,
[2]
proclamando pro sordidis hominibus
causisque adversus rem et famam bonorum primum
in notitiam populi,
[3]
deinde ad honores pervenit, quaesturaque et duabus aedilitatibus, plebeia et curuli,
postremo et praetura perfunctus iam ad consulatus
spem cum adtolleret animos,
[4]
haud parum callide auram
favoris popularis ex dictatoria invidia petiit scitique
plebis unus gratiam tulit.
[5]
omnes eam rogationem quique Romae quique in
exercitu erant, aequi atque iniqui, praeter ipsum dictatorem in contumeliam eius latam acceperunt;
[6]
ipse, qua
gravitate animi criminantis se ad multitudinem inimicos
tulerat, eadem et populi in se saevientis iniuriam tulit;
acceptisque in ipso itinere litteris sc.
[7]
de aequato
imperio, satis fidens haudquaquam cum imperii iure
artem imperandi aequatam cum invicto a civibus hostibusque animo ad exercitum rediit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.