Click on a word to bring up parses, dictionary entries, and frequency statistics
19.
At Eunones claritudine viri, mutatione rerum et
prece haud degeneri permotus, adlevat supplicem laudatque
quod gentem Aorsorum, quod suam dextram petendae
veniae delegerit. simul legatos litterasque ad Caesarem
in hunc modum mittit: populi Romani imperatoribus,
magnarum nationum regibus primam ex similitudine for-
tunae amicitiam, sibi et Claudio etiam communionem
victoriae esse. bellorum egregios finis quoties ignoscendo
transigatur: sic Zorsini victo nihil ereptum. pro Mithridate, quando gravius mereretur, non potentiam neque
regnum precari, sed ne triumpharetur neve poenas capite
expenderet.
Annales ab excessu divi Augusti. Cornelius Tacitus. Charles Dennis Fisher. Clarendon Press. Oxford. 1906.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.