Click on a word to bring up parses, dictionary entries, and frequency statistics
31. dum haec geruntur in Italia, Cn. Servilius1 Geminus consul cum classe centum viginti2 navium circumvectus Sardiniae et Corsicae oram et obsidibus utrimque acceptis in Africam transmisit, et
priusquam in continentem escensiones faceret,
[2?]
menige insula vastata et ab incolentibus Cercinam,3 ne et ipsorum ureretur diripereturque ager, decem talentis argenti acceptis ad litora Africae accessit copiasque exposuit.
[3]
inde ad populandum agrum
ducti milites navalesque socii iuxta effusi, ac si in
insulis4 cultorum egentibus praedarentur.
[4]
itaque in insidias temere inlati, cum a frequentibus palantes, ab locorum gnaris ignari,5 circumvenirentur, cum multa caede ac foeda fuga retro ad naves compulsi sunt.
[5]
ad mille hominum cum Ti.6 Sempronio Blaeso quaestore amissum. Classis ab litoribus hostium plenis trepide soluta in Siciliam cursum tenuit traditaque Lilybaei T. Otacilio praetori,
[6?]
ut ab legato eius P. Cincio7 Romam reduceretur;
[7]
ipse per Siciliam pedibus profectus freto in Italiam traiecit, litteris Q. Fabi accitus et ipse et collega eius M. Atilius, ut exercitus ab se exacto iam prope semestri imperio acciperent. [p. 306]
[8]
omnium prope annales Fabium dictatorem8 adversum Hannibalem rem gessisse tradunt; Coelius
etiam eum primum a populo creatum dictatorem
scribit.
[9]
sed et Coelium et ceteros fugit uni consuli
Cn. Servilio, qui tum procul in Gallia provincia
aberat, ius fuisse dicendi dictatoris;
[10]
quam moram
quia exspectare territa tanta9 clade civitas non poterat, eo decursum esse ut a populo crearetur qui pro dictatore esset;
[11]
res inde gestas gloriamque
insignem ducis et augentes titulum imaginis10 posteros, ut, qui pro dictatore creatus erat fuisse dictator11 crederetur12 facile obtinuisse.
1 A.U.C. 537
2 centum viginti (centum et viginti) navium lipsius: nauium P.
3 Cercinam Sigonius: circanam P1: circa eam P2.
4 in insulis Weissenborn: insulis P.
5 ab locorum gnaris ignari Gronovius: ad locorum et ignari gnaris (gnaris deleted by P2) P.
6 cum Ti. ruperti: cum iis P: cum doujatius: cum Tib. H.J.Mueller (XLI. xii. 4).
7 Cincio Hertz: circi p1: circa P2.
8 A.U.C. 537
9 tanta H. J. Mueller: iam P.
10 augentes titulum imaginis Gronovius: augendis titulun imagines P.
11 dictatore creatus erat fuisse dictator H. J. Mueller: dictatore P.
Livy. Boooks XXI-XXII With An English Translation. Cambridge. Cambridge, Mass., Harvard University Press; London, William Heinemann, Ltd. 1929: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.