Click on a word to bring up parses, dictionary entries, and frequency statistics
47. transierat ex re bene gesta superbia1 neglegentiaque ad Aequos quae in Romanis ducibus
fuerat.
[2]
itaque primo statim proelio cum dictator
equitatu immisso antesignanos hostium turbasset,
legionum inde signa inferri propere iussit signiferumque ex suis unum cunctantem occidit.
[3]
tantus
ardor ad dimicandum fuit ut impetum Aequi non
tulerint, victique acie cum fuga effusa petissent castra,
brevior tempore et certamine minor2 castrorum oppugnatio fuit quam proelium fuerat.
[4]
captis direptisque castris cum praedam dictator militi concessisset
[p. 410]
secutique fugientem ex castris hostem equites3 renuntiassent omnes Labicanos victos, magnam partem Aequorum Labicos confugisse,
[5?]
postero die ad Labicos
ductus exercitus oppidumque corona circumdata scalis
captum ac direptum est.
[6]
Dictator exercitu victore
Romam reducto die octavo quam creatus erat magistratu se abdicavit; et opportune senatus priusquam
ab tribunis plebi agrariae seditiones mentione inlata
de agro Labicano dividendo fierent, censuit frequens
coloniam Labicos deducendam.
[7]
coloni ab urbe mille
et quingenti missi bina iugera acceperunt.4
captis Labicis deinde5 tribunis militum consulari potestate Agrippa Menenio Lanato et C. Servilio6 Structo et P. Lucretio Tricipitino,
[8?]
iterum omnibus
his, et Sp. Rutilio Crasso, et insequente anno A.
Sempronio Atratino tertium, et duobus iterum,
M. Papirio Mugillano7 et Sp. Nautio Rutulo8 biennium tranquillae externae res, discordia domi ex agrariis legibus fuit.
1 A.U.C. 337-338
2 brevior tempore et certamine minor E2D? ς: breuior et certamine et tempore H1?: breuiore tempore et certamine minor ω.
3 A.U.C. 337-338
4 acceperunt A2 ς: acceperant (accepant A) ω.
5 deinde L. Mueller: ac deinde ω.
6 C. Servilio glareanus (cf. IV. xlv. 5 and Diod. XIII. vii. 1): 1. seruilio ω: seruilio M: omitted by E (which also omits Structo).
Livy. Books III and IV With An English Translation. Cambridge. Cambridge, Mass., Harvard University Press; London, William Heinemann, Ltd. 1922.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.