Click on a word to bring up parses, dictionary entries, and frequency statistics
16. proelium in aditu fori maiore impetu quam
perseverantia commissum est. non animo, non
armis, non arte belli, non vigore ac viribus corporis
par Romano Tarentinus erat.
[2]
igitur pilis tantum
coniectis, prius paene quam consererent manus
terga dederunt, dilapsique per nota urbis itinera in
suas amicorumque domos.
[3]
duo ex ducibus Nico et
Democrates fortiter pugnantes cecidere, Philemenus,
qui proditionis ad Hannibalem auctor fuerat, cum
citato equo ex proelio avectus esset,
[4?]
vacuus1 paulo post equus errans2 per urbem cognitus, corpus
[p. 274]
nusquam3 inventum est; creditum volgo est in4 puteum apertum ex equo praecipitasse.5
[5]
carthalonem autem, praefectum Punici praesidii, cum commemoratione paterni hospitii positis armis venientem ad consulem miles obvius obtruncat.
[6]
alii alios passim6 sine discrimine armatos inermis7 caedunt, Carthaginienses Tarentinosque pariter. Bruttii quoque multi passim8 interfecti, seu per errorem seu vetere in eos insito odio seu ad proditionis famam, ut vi potius atque armis captum Tarentum videretur, exstinguendam.
[7]
tum a caede ad diripiendam urbem discursum. triginta milia9 servilium capitum dicuntur capta, argenti vis ingens facti signatique, auri tria milia octoginta10 pondo, signa et11 tabulae, prope ut Syracusarum ornamenta aequaverint.12
[8]
sed maiore animo generis eius praeda abstinuit Fabius quam Marcellus; qui interrogante scriba13 quid fieri signis vellet ingentis magnitudinis —di sunt, suo quisque habitu in modum pugnantium formati—deos iratos Tarentinis relinqui iussit. [p. 276]
[9]
murus inde qui urbem ab arce dirimebat dirutus est14 ac disiectus.
dum haec15 aguntur, Hannibal, iis qui Cauloniam
obsidebant in deditionem acceptis,
[10?]
audita oppugnatione Tarenti dies noctesque cursim agmine acto,
cum festinans ad opem ferendam captam urbem
audisset, “et Romani suum Hannibalem” inquit
“habent; eadem qua ceperamus arte Tarentum
amisimus.”
[11]
ne tamen fugientis modo convertisse
agmen videretur, quo constiterat16 loco quinque milia ferme ab urbe posuit castra. ibi paucos moratus dies Metapontum sese recepit.
[12]
inde duos
Metapontinos cum litteris principum eius civitatis
ad Fabium Tarentum mittit, fidem ab consule
accepturos inpunita iis17 priora fore, si Metapontum cum praesidio Punico prodidissent.
[13]
Fabius vera quae18 adferrent esse ratus, diem qua accessurus esset Metapontum constituit litterasque ad principes dedit, quae ad Hannibalem delatae sunt.
[14]
enimvero laetus successu fraudis, si ne Fabius quidem dolo
invictus fuisset, haud procul Metaponto insidias
ponit.
[15]
Fabio auspicanti, priusquam egrederetur ab
Tarento, aves semel atque iterum non addixerunt.
hostia quoque caesa consulenti deos haruspex
cavendum a fraude hostili et ab insidiis praedixit.
[p. 278]
[16]
metapontini, postquam ad constitutam19 non venerat20 diem, remissi, ut cunctantem hortarentur, ac repente conprehensi, metu gravioris quaestionis detegunt insidias.
1 vacuus Aldus, Froben, Eds.: vagus P(1)NJK Conway.
2 errans P(1)NJK (Aldus, Froben adding -que): bracketed by Walters, Conway.
3 nusquam AJK: nunquam (or num-) P(3)N.
4 A.U.C. 545
5 praecipitasse P(3)Sp? Froben 2: -cipitatum AN1JK Aldus.
6 passim P(1)NJK: bracketed by Conway.
7 inermis P(1)N: -que added by A3N3JK Aldus, Froben.
8 passim A3N3JK: om. P(1)AxN.
9 xxx milia JK Aldus, Froben, Luchs: mil(l)ia xxx P(1)N.
10 tria milia octoginta Madvig, Emend., Conway: LXXXIII milia P(1)N: LXXIII m. JK. Cf. Plutarch Fabius xxii. 4.
11 signa et alschefsli: signata P(1): signa N3JK Aldus, Froben: signa ac Weissenborn.
12 aequaverint P(3) Aldus: -arent Sp?A3N3JK Froben 2: -arint W. Heraeus.
13 interrogante scriba drakenborch: -ganti scribae CxA.yN3JK Aldus, Froben: -gatis scribae P(1)N: Conway inserts dagger.
14 A.U.C. 545
15 haec, after this A3JK Aldus and Froben insert Tarenti, not found in P(1)N.
16 constiterat CxM2A1JK Aldus: constituerat P(1)N.
17 iis PR Aldus: his R2MBDANK: hiis J: tis C: om. Sp.?N3 Froben 2, Conway.
18 vera quae CMBDAN Aldus, Froben: veraq. P (-que R); quae (adferrent) vera JK.
19 constitutam JK Aldus, Froben, Luchs: constitutum P(1)N1 Madvig, Conway.
20 A.U.C. 545
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.