Click on a word to bring up parses, dictionary entries, and frequency statistics
[34]
Principio male reprehendunt praemeditationem rerum futurarum. nihil est enim quod tam optundat1 elevetque aegritudinem quam perpetua in omni vita cogitatio nihil esse quod non accidere possit, quam meditatio condicionis2 humanae, quam vitae lex commentatioque parendi, quae non hoc adfert, ut semper
maereamus, sed ut numquam. neque enim, qui rerum
naturam, qui vitae varietatem, qui inbecillitatem3 generis humani cogitat, maeret, cum haec cogitat, sed
tum vel4 maxime sapientiae fungitur munere: utrumque enim consequitur, ut et considerandis rebus humanis proprio5 philosophiae fruatur6 officio et adversis
casibus triplici consolatione sanetur,7 primum quod
nihil ei accidit nisi quod posse accidere diu cogitaverit,8 quae cogitatio una maxime molestias omnis
extenuat et diluit, deinde quod humana humane9 ferenda intellegit, postremo quod videt malum nullum [p. 336]
esse nisi culpam, culpam autem nullam esse, cum id,
quod ab homine non potuerit praestari,10 evenerit.11
1 optundat V (at in r.) Rc optundet GR1 obtundet HK1 (-at2）
2 conditionis X
3 imb. KRcH
4 vel om. H
5 ad proprio in mg. adscr. non Vrec
6 fruatur fungatur Man. (sed phil. off. est 'id quod homini praestare potest ac debet philo- sophia'）
7 sanentur X corr. K2R2V2
8 suppl. Po. cogitavit pro -erit Dav.
9 humana humane humane KV1 (hu- mana add.2) H humana G humane R (del.c) cf. Ps. Plut. cons. ad Ap. 118 c φέρειν τὰ ἀνθρώπινα ἀνθρωπίνως
10 praestari vel praecaveri Rvet sed cf. (etiam ad ea quae hic antecedunt) epist. 6,1, 4 (et 9,16,5）
11 nihil ... 336,2 evenerit H
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.