1.
Non est iste calor febriculosusQuo me cernitis, hospites, peruri:
Verum est vis rabidi aestuans Amoris
Quae depascitur ossa, quae medullas
5Et cor depopulatur, et cruorem
Vitalem mihi perbibit maligna.
Non iccirco tamen, puer, vocato
Infames medicos mutoniatos,
Ne quicquam mihi dent mali veneni;
10Sed dic ut veniat mea Ipsitilla
Quae apportet mihi mille basiorum
Mellitis labiis et ore hiulco:
Haec nostri medicina sit caloris.