Click on a word to bring up parses, dictionary entries, and frequency statistics
[51]
inquit "mihi Alabandus tibi Hercules sit iratus". Illa
autem Balbe, quae tu a caelo astrisque ducebas, quam [p. 138]
longe serpant non vides: solem deum esse lunamque,
quorum alterum Apollinem Graeci alteram Dianam putant. quod si luna dea est, ergo etiam Lucifer ceteraeque errantes numerum deorum optinebunt; igitur etiam
inerrantes. cur autem arqui species non in deorum numero reponatur; est enim pulcher (et ob eam speciem,
quia causam habeat admirabilem, Thaumante dicitur
esse nata). cuius si divina natura est, quid facies nubibus; arcus enim ipse e nubibus efficitur quodam modo coloratis; quarum una etiam Centauros peperisse
dicitur. quod si nubes rettuleris in deos, referendae
certe erunt tempestates, quae populi Romani ritibus
consecratae sunt. ergo imbres nimbi procellae turbines dei putandi; nostri quidem duces mare ingredientes inmolare hostiam fluctibus consuerunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.