Click on a word to bring up parses, dictionary entries, and frequency statistics
[32]
Nec tamen argumentum hoc Epicurus a parvis petivit aut etiam a bestiis, quae putat esse specula naturae,
ut diceret ab iis1 duce natura hanc voluptatem expeti
nihil dolendi. nec2 enim haec movere potest appetitum
animi, nec ullum habet ictum, quo pellat animum, status3 hic non dolendi, itaque in hoc eodem peccat Hieronymus. at ille pellit, qui permulcet sensum voluptate. itaque Epicurus semper hoc utitur,4 ut probet voluptatem natura expeti, quod ea voluptas, quae in motu
sit, et parvos ad se alliciat et bestias, non illa stabilis,
in qua tantum inest nihil dolere. qui5 igitur convenit
ab alia voluptate dicere naturam proficisci, in alia summum bonum ponere?
11.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.