Click on a word to bring up parses, dictionary entries, and frequency statistics
[50]
quid nunc “honeste” dicit?
idemne, quod iucunde? ergo ita: non posse honeste
vivi, nisi honeste vivatur? an nisi populari fama? sine
ea igitur iucunde negat posse se1 vivere? quid turpius quam sapientis vitam ex2 insipientium sermone
pendere?3 quid ergo hoc loco intellegit honestum? certe
nihil nisi quod possit ipsum propter se iure laudari.
nam si propter voluptatem, quae est ista laus, quae
possit e macello peti? non is vir est, ut, cum honestatem eo loco habeat, ut sine ea iucunde neget posse
vivi, illud honestum, quod populare sit, sentiat et sine
eo neget iucunde vivi posse, aut quicquam aliud honestum intellegat, nisi quod sit rectum ipsumque per
se sua vi, sua natura, sua sponte4 laudabile.
16.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.