Click on a word to bring up parses, dictionary entries, and frequency statistics
[82]
Sed haec nihil sane ad rem;
illa videamus, quae a
te de amicitia dicta sunt.1 e quibus2 unum3 mihi videbar
ab ipso Epicuro dictum cognoscere, amicitiam a voluptate non posse divelli4 ob eamque rem colendam esse,
quod, quoniam5 sine ea tuto et sine metu vivi non [p. 70]
posset, ne6 iucunde quidem posset.7 satis est ad hoc
responsum. Attulisti aliud8 humanius horum recentiorum,
numquam dictum ab ipso illo,9 quod sciam,10 primo utilitatis causa amicum expeti, cum autem usus accessisset,
tum ipsum amari per se etiam omissa spe voluptatis.11
hoc etsi multimodis12 reprehendi potest, tamen accipio,
quod dant.13 mihi enim satis est, ipsis non satis. nam
aliquando posse recte fieri dicunt nulla expectata nec
quaesita14 voluptate.
1 dicta sunt p. 28, 17—30, 26
2 Ex quibus NV
3 unum p. 29, 4 sqq.
4 posse diuelli posset. Satis (rell. om., cf. p. 70, 1) R
5 add. Se. (cf. ad p. 31, 25); si sine P. Man. cum sine Mdv.
6 ne Mdv. nec
7 ne iucunde quidem posset om. B
8 aliud p. 30, 5 sqq.
9 illo ipso BE illo (om. ipso) Non.
10 horum ... sciam Non. p. 167
11 voluptatis utilitatis V; in marg. vel utilitatis add. A2
12 multis modis NV
13 dat R
14 quaesita exquisita BE
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.