11. an vero vos
id in testimoniis hominum barbarorum dubitabitis quod
persaepe et nostra et patrum memoria sapientissimi iudices
de clarissimis nostrae civitatis viris dubitandum1 non putaverunt?
qui Cn. et Q. Caepionibus, L. et Q. Metellis testibus
in Q. Pompeium, hominem novum, non crediderunt,
quorum virtuti, generi, rebus gestis fidem et auctoritatem in
testimonio cupiditatis atque inimicitiarum suspicio derogavit.
ecquem hominem vidimus,
[24]
ecquem2 vere3 commemorare
possumus parem consilio, gravitate, constantia, ceteris
virtutibus4, honoris, ingeni, rerum gestarum ornamentis M.
Aemilio Scauro fuisse? tamen huius cuius5 iniurati nutu
prope terrarum orbis regebatur iurati testimonio neque in
C. Fimbriam neque in C. Memmium creditum est; noluerunt
ei6 qui iudicabant hanc patere inimicitiis viam, quem
quisque odisset, ut eum testimonio posset7 tollere. quantus
in L. Crasso pudor fuerit, quod ingenium, quanta auctoritas,
quis ignorat? tamen is cuius etiam sermo testimoni
auctoritatem habebat, testimonio ipso, quae in M. Marcellum
inimico animo dixit, probare non potuit.
[25]
fuit, fuit illis
iudicibus divinum ac singulare, iudices8, consilium, qui se
non solum de reo9 sed etiam de accusatore10, de teste iudicare
arbitrabantur, quid fictum, quid fortuna ac tempore adlatum,
quid pretio corruptum, quid spe aut metu depravatum, quid
a cupiditate aliqua aut inimicitiis profectum videretur. quae
si iudex non amplectetur omnia consilio, non animo ac
mente circumspiciet, si, ut quidque11 ex illo loco dicetur, ex
oraculo aliquo dici arbitrabitur, profecto satis erit, id quod
dixi antea, non surdum iudicem12 huic muneri atque officio
praeesse; nihil erit quam ob rem ille nescio quis sapiens
homo ac multarum rerum peritus ad res iudicandas requiratur.
Click on a word to bring up parses, dictionary entries, and frequency statistics
1 clariss. dubitandum nostrae civ. viris dubitandum V
2 haec quem V: et quem ς: corr. ed. R (ita mox)
3 vere fort. fere
4 virtutis Koch
5 eius Schütz
6 ii .11. V
8 iudices l, Naugerius (1): iudicium (-ii k) cett.
9 reo iudicium (iud. facere k) add. codd.: del. Naugerius (1)
10 de accusatore del. Müller
11 ut quidque quicquam χl: quidquid Naugerius (1)
12 iudicem del. Madvig
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.