Click on a word to bring up parses, dictionary entries, and frequency statistics
“
[17]
verum hoc alias; nunc quod coepimus, si
videtur”.
“Mihi vero” inquit Cotta “videtur. sed ut hic qui intervenit”
[p. 8]
me intuens “ne ignoret quae res agatur, de natura
agebamus deorum, quae cum mihi videretur perobscura, ut semper videri solet, Epicuri ex Velleio sciscitabar sententiam. quam ob rem” inquit “Vellei, nisi
molestum est, repete quae coeperas.”
“Repetam vero, quamquam non mihi sed tibi hic
venit adiutor; ambo enim” inquit adridens “ab eodem
Philone nihil scire didicistis.”
Tum ego: “Quid didicerimus Cotta viderit, tu autem
nolo existimes me adiutorem huic venisse sed auditorem, et quidem aecum, libero iudicio, nulla eius modi
adstrictum necessitate, ut mihi velim nolim sit certa
quaedam tuenda sententia.”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.