This text is part of:
Click on a word to bring up parses, dictionary entries, and frequency statistics
“
[23]
Sed quoniam coepi secus agere atque initio dixeram
(negaram enim hanc primam partem egere oratione,
quod esset omnibus perspicuum deos esse), tamen id
ipsum rationibus physicis id est naturalibus confirmari
volo. Sic enim res se habet, ut omnia quae alantur et
quae crescant contineant in se vim caloris, sine qua neque ali possent nec crescere. nam omne quod est calidum et igneum cietur et agitur motu suo; quod autem alitur et crescit motu quodam utitur certo et aequabili; qui quam diu remanet in nobis tam diu sensus
et vita remanet, refrigerato autem et extincto calore
occidimus ipsi et extinguimur.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.