Qui pelago credit, magno se faenore tollit;”
qui pugnas et castra petit, praecingitur auro;
LO
vilis adulator picto iacet ebrius ostro,
et qui sollicitat nuptas, ad praemia peccat:
sola pruinosis horret facundia pannis
atque inopi lingua desertas invocat artes.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
[83]
In pinacothecam perveni vario genere tabularum
mirabilem. Nam et Zeuxidos manus vidi nondum vetustatis iniuria victas, et
Protogenis rudimenta cum ipsius naturae veritate certantia non sine quodam horrore
tractavi. Iam vero Apellis quam Graeciμονό κνημον
appellant, etiam adoravi. Tanta enim subtilitate extremitates imaginum erant ad
similitudinem praecisae, ut crederes etiam animorum esse picturam. Hinc aquila
ferebat caelo sublimis Idaeum,1 illine candidus Hylas repellebat improbam Naida. Damnabat Apollo noxias
manus lyramque resolutam modo nato flore honorabat. Inter quos etiam pictorum
amantium vultus tauquam in solitudine exclamavi:[p. 166]
“Ergo amor etiam deos tangit. Iuppiter in caelo suo non invenit quod
diligeret,2 sed peccaturus in terris nemini tamen iniuriam fecit. Hylan Nympha
praedata temperasset3 amori suo, si venturum ad interdictum Herculem
credidisset. Apollo pueri umbram revocavit in florem, et omnes fabulae quoque
sine aemulo habuerunt complexus. At ego in societatem recepi hospitem Lycurgo
crudeliorem.”
Ecce autem, ego dum cum ventis litigo, intravit pinacothecam senex canus, exercitati
vultus et qui videretur nescio quid magnum promittere, sed cultu non proinde
speciosus, ut facile appareret eum ex hac nota litteratum
esse, quos odisse divites solent. Is ergo ad latus constitit meum ...
“Ego” inquit “poeta sum et ut spero, non humillimi spiritus, si
modo coronis aliquid credendum est, quas etiam ad immeritos4 deferre gratia solet.
'Quare ergo' inquis 'tam male vestitus es?' Propter hoc ipsum. Amor ingenii
neminem unquam divitem fecit.
Petronius Arbiter. Petronius. Michael Heseltine. London. William Heinemann. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.