Click on a word to bring up parses, dictionary entries, and frequency statistics
[204]
'Mihi vero' inquit Mucius 'satis superque abs te videtur
istorum studiis, si modo sunt studiosi, esse factum; nam, ut
Socratem illum solitum aiunt dicere perfectum sibi opus
esse, si qui satis esset concitatus cohortatione sua ad studium
cognoscendae percipiendaeque virtutis; quibus enim id
persuasum esset, ut nihil mallent esse se, quam bonos viros,
eis reliquam facilem esse doctrinam; sic ego intellego, si in
haec, quae patefecit oratione sua Crassus, intrare volueritis,
facillime vos ad ea, quae cupitis, perventuros, ab hoc aditu
ianuaque patefacta.'
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.