[182]
Longissima
est igitur complexio verborum, quae volvi uno spiritu potest;
sed hic naturae modus est, artis alius. Nam cum sint
numeri plures, iambum et trochaeum frequentem segregat
ab oratore Aristoteles, Catule, vester, qui natura tamen
incurrunt ipsi in orationem sermonemque nostrum; sed
sunt insignes percussiones eorum numerorum et minuti
pedes. Qua re primum ad heroum nos dactylici et anapaesti
spondi pedem invitat: in quo impune progredi licet
duo dumtaxat pedes aut paulo plus, ne plane in versum aut
similitudinem versus incidamus. "Altae sunt geminae, quibus."
Hi tres heroi pedes in principia continuandorum
verborum satis decore cadunt.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.