[183]
Probatur autem ab eodem
illo maxime paean, qui est duplex: nam aut a longa oritur,
quam tres breves consequuntur, ut haec verba "desinite,
incipite, comprimite," aut a brevibus deinceps tribus, extrema
producta atque longa, sicut illa sunt "domuerant,
sonipedes"; atque illi philosopho ordiri placet a superiore
paeane, posteriore finire; est autem paean hic posterior non
syllabarum numero, sed aurium mensura, quod est acrius
iudicium et certius, par fere cretico, qui est ex longa et brevi
et longa: ut
Quid petam praesidi, aut exsequar? quove nunc ... A quo numero exorsus est Fannius: "si, Quirites, minas
illius." Hunc ille clausulis aptiorem putat, quas vult longa
plerumque syllaba terminari.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.