Click on a word to bring up parses, dictionary entries, and frequency statistics
[94]
Itaque ego hac eadem opinione adductus
scripsi etiam illud quodam in libello, qui me imprudente et
invito excidit et pervenit in manus hominum, disertos
cognosse me non nullos, eloquentem adhuc neminem, quod
eum statuebam disertum, qui posset satis acute atque
dilucide apud mediocris homines ex communi quadam
opinione hominum dicere, eloquentem vero, qui mirabilius
et magnificentius augere posset atque ornare quae vellet,
omnisque omnium rerum, quae ad dicendum pertinerent,
fontis animo ac memoria contineret. Id si est difficile
nobis, quod ante, quam ad discendum ingressi sumus,
obruimur ambitione et foro, sit tamen in re positum atque
natura:
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.