[190]
neque est enim
facile perficere ut irascatur ei, cui tu velis, iudex, si tu ipse
id lente ferre videare; neque ut oderit eum, quem tu velis,
nisi te ipsum flagrantem odio ante viderit; neque ad misericordiam
adducetur, nisi tu ei signa doloris tui verbis, sententiis,
voce, vultu, conlacrimatione denique ostenderis; ut
enim nulla materies tam facilis ad exardescendum est, quae
nisi admoto igni ignem concipere possit, sic nulla mens est
tam ad comprehendendam vim oratoris parata, quae possit
incendi, nisi ipse inflammatus ad eam et ardens accesserit.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.