Click on a word to bring up parses, dictionary entries, and frequency statistics
[135]
Quid enim M. Catoni praeter
hanc politissimam doctrinam transmarinam atque adventiciam
defuit? Num, quia ius civile didicerat, causas non
dicebat? aut quia poterat dicere, iuris scientiam neglegebat?
Utroque in genere et elaboravit et praestitit. Num
propter hanc ex privatorum negotiis conlectam gratiam
tardior in re publica capessenda fuit? Nemo apud populum
fortior, nemo melior senator; et idem facile optimus imperator;
denique nihil in hac civitate temporibus illis sciri
discive potuit, quod ille non cum investigarit et scierit tum
etiam conscripserit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.